Dujenber 2007. Baĝarraḥ. Zzin ilmeẓyen iw jernan ur uminen ayen walan-t wallen. Li Rabeḥ ittixedmen. Li Lu Rabeḥ. Isṭerḍeq tibunbatin di Ḥidra a laĝayeb, Ḥidra lberj ur kečmen yizan, inγa imessebriden igla s uqarru-s. Wa k yinin attixdem tagi Li Lu. Li Lu d akamikaz? d lweγzi.
Li Lu Rabeḥ isem is neṣṣeḥ s ticcenwit Lee Lou Schi. Yusa-d s tmurt n Cinwa ar ldzayer am netta am aṭas i cinwaten ad sewṛen
cwiṭ isurdyen iquranen imir-en ad uγalen ar tmurt nsen ad sadin ussan ineggura d lwacul nsen, imir-en ad mten slaqel, lmut Ugellid igenwan.
Icinwaten di lawayed nsen, di lbeṛṛani ttbeddilen ismawen s nesawalen at tmurt. Amedya lemmer ar tmurt llegliz igruḥ ahat ifka iman-s isem n Steve. Di fransa Hugo, di lalman Hans atg... Imi d lzzayer is yuran di lbext is, Li Lu ixtaṛ Rabeḥ. Dγa di Baĝarraḥ sawalen as aammi Rabeḥ.
D acu ur fhimen ilmeẓyen di zzin iw jernan, d isem sefkan imesjarnanen i Li Lu Rabeḥ: Abou Trakteur ....(dagi an siwzel cwiṭ tira, isem γwezzif sya ar mekka) Al Bajarrahi.
Ur fhimen ma leγlaḍ yella deg isem neγ di tteswira. Tteswira agi d ammi Rabeḥ s timmad is. Isem-a ur illi, is n inna yiwen. Isem-a ttikellax i d inṭeq wayeḍ.
Dujenber 2004. Baĝarraḥ ikcem itt-id ucinwat amezwaru. Li Lu Ci iban innecraḥ wudem is, ides imedden merra, iqqar salawmalikum i yemessebriden. Imẓabyen d leqbayel iqqar asen azuu fellawee. Udmawen izzayriyen ttbanen rfan γas dessen. Li Lu Ci iγil fella-s irfan. Nitni udem nsen imeslit zman, imi lebda rfan, innekmac wudem nsen ilmend areffu nni.
Semmus n wagguren tura ig reṣsa Li Rabeḥ di Baĝarraḥ. Imezdaγ n Baĝarraḥ faqen akken iqwjan nsen negren yiwen yiwen. Laameṛ d yuγal yiwen. D acutt lmuṣiba agi? Nejman di ljama. Yiwen bu čamar inna yasen cukeγ d acinwat arat ni-tetten. Inteq-ed wayeḍ d bučamar ula d netta inna yas d irit ccek. Bu čamar amezwaru inna ccek af icinwaten mači d leḥram. Bu čamar wissin issufγed tazmamt n leqwran ittnadi anida d inna Rebbi ccek mači d leḥram af icinwaten. Netta taarabt n Quṛic ur issin inuda inuda iffeγ xayeb ur yufa.
Pisk ur yufa donc Rebbi ur dinna, ihi msefhamen ccek mači d leḥram am akken dinna bučamar amezwaru.
Din din wten acekkab ar t xibuqt n Li Lu Ci. Iwin-t alĝama. Ḥbsen-t semmus wussan d semmus yiḍan. Qnen-t ar lminbar ttṣellin fell-as yal ass: Keč d ineslem mačči d acinwat, keč d ineslem mačči d acinwat, keč d ineslem mačči d acinwat, keč d ineslem mačči d acinwat...
Mi yaddan semmus wussan sarḥen as. Bu čamar amezwaru inna yasen: Atteẓrem lqwedṛa Rebbi. Ma yenqes uqjun nniḍen atan d nek id ḍalem.
Addan semmus wussan nniḍen. Li Lu Ci illa ay teddu s axxam armi iwala yiwen uṭarus ay teddu iban yerfa ula d netta. Ikna Li Lu Ci immuqel it udem s udem inna yas: keč d ikerri mačči d aqjun, keč d ikerri mačči d aqjun, keč d ikerri mačči d aqjun ...
Dujenber 2007. Xinhua tama n Guangzhu di tmurt n Cinwa yemmut Li Lu Ci. Nnan wid iḥeḍren mi gwala tteswira-s degw jernan isuγ, teṭfit timmexneqt immut.
2007-12-15
Li Lu Ci (Lee Lou Schi)
Subscribe to:
Post Comments (Atom)
11 comments:
dγa deg wass nni, iqwjan n lanjiri meṛṛa ufan iman nsen, ma d bu učamar nni amenzu yenna-yasen i watmaten is, twalam daccu i wen d-nniγ !
d timucuha !!!
bravo fellak !
a ziγ d iqwjan i tt-ixedmen
d accu i γ-yeğğan nettamen!
prufitin deg lanjiri
almi i tt-fkan i yefri !
mi cukkeγ yahwa-yasen kan
parsk af akken i d-ḥkan
yella yiwen cmata
attan a baba tyita !
d lkulunel yaḥyawi
ar ṛebbi dawi neγ awi
muḥya
A Tizwa, azul.
Acu at iniḍ di tikti ya:
Nemmer tigad n Muḥya aγ tent id aṛṛeḍ
d ablug?
d tikti i yelhan aṭas!... sya ar azdat ad d-erreγ kra bbwayen ḥemleγ daggi tizwal.blogspot.com
yerna timuhyatin agi ma yahwa-yak ur teshil ara temlsalt axater laqen ahat "liderwa d'auteur" akken iqqar muhya, lol nniqal uriγ-ed taceqquft nni Tacebaylit (tacbalit) deg imyura.net apri yura-d mmis n muḥya af taggi n "liderwa d'auteur dγa kkseγ-tt lḥaṣun yal yiwen ad iεin rebbi di cγel is...
azul ,
atan igerrez ublog agi dayen kan, tiqesiḍin ttakken cbiha ar tin Muḥya.
g laanya-k mmel-iyi-d amek teskseḍ akk tarumit seg weblog . ameday : iwenniten deg wemkan n comments ?
Abujad azul.
Atah wamek kseγ izemreγ si trumit.
Seg Tableau de bord kcem ar Mise en page. Di Messages blog tekki af Modifier. Ad lli tesfaylut Configurer les messages blog. Beddel Commentaires s wawal iwenniten.
Voila.
Tanemmirt.
ukreγ-ak yiwen n wawal ay Aclim aεziz, archieves = ikufan :D
isem-agi Aclim d-ibbwi waḍu yesmekta-yi-d tizlitt n Si Muḥ tawriqt (deg uzalbum aneggaru i tella)tesliḍ-as ?
Ur ẓriγ ma ikufan(akufi) izmer at nesseqdec i wawal archives. Acu tenniḍ? d acu tennam? Nek ma ḥesleγ sexdameγ ayen ufiγ zdat it. ger ad cḍeγ d uḥbas n tira abrid iban.
Ur sesliγ i tezlitt agi n Si Moh. Aclim d ibbwi waḍu mihwa-k squcḍeγ-t is si yiwet n tezlitt n dda Sliman anida siqqar 'Am clim d bbwin waman'
Tanemmirt
mihwa-k squcḍeγ-t id si yiwet n tezlitt n dda Sliman
azul,
tanemmirt-ik a mmis tmurt, aqli ḍefreγ ayen d-nniḍ. kra yellan yeffeγ-d s teqbaylit.
ula d nek iεejb-iyi awal agi ikufan. ukreγ-t, awi-yi ar lḥebs!
tussna.blogspot.com
abujad,
Nekwni leḥbus aγ iṣṣer Rebbi. Leḥbus zik di tmurt n leqbayel dayen ur nessin. Win ixedmen tiqiṭ yenfa, ur illa degs uḥiwet.
Imi kwen yaĝeb wawal agi ikufan ihi igerrez.
Tanemmirt.
Post a Comment