1960. Naduc 4 iseggwasen di lamer is. Ussan-d iṛumyen ttnadin af jeddes. Slan γur-es snat tmeẓyanin, usan-d as tent ksen, uban wi t-issumel-en. Assa ufan-t-id deg wexxam. Mi kecmen s axxam, yiwen wasekriw iẓẓel afus is ar Naduc, degs ccakula. Naduc teffer deffir yemma-s tettmuqul-ed, tettecmumuḥ. Jeddes yiwi irumyen ar tṛemmant ddaw tawint anida yella yeffer timẓyanin. Inna yasen, usan-d imjuhad ddurt nni yaddan iwin tent. Am kwenwi, usan d ttarbat s leslaḥ, ur zmireγ atent freγ, fkiγ tent. Slan qbel nwen. Irumyen ṛuḥen.
Taamrant tessawel i Naduc. Taamrant d xalt-es. Tenna y as: yya as tesselfeḍ i Blaki. Naduc Blaki d lamer is. Adder as d Blaki attettu iman is. Taamrant teẓra ttikkelt taneggarut at zhu Naduc d Blak, mmaren-d immeṭṭawen deg wallen is. Axxam akw yeẓra. Naduc fren fell as. Nnan Blak ma yalin ar sqef n wexxam lebda ittqara af Naduc simi tebda tikli. Ma tqerreb s asfaylu neγ ar ṛṛef nwexxam yezwar, iḥḥer itt id ar deffir. Blak tugar it Naduc s useggwas d sin wagguren.
Ula d Blaki ur yezṛa assa d ass is anegaru. Arrant id semmus iberdan. Yal tikelt ad awḍen andaken at nγen ad uγalen, ur as nifka wul at nγen. Imjuhad gullen-d ta ttikelt tanegarut. Iqwjan seglafen tammeddit, nitni ur bγan wa yfaq-en ṣubben-d seg madaγ. Akka inegren iqwjan n taddart. Assa d nnuba n Blak...
--------------------
Assa d ixef useggwas.
Mektiγ-ed Blak d Naduc. Nek d Naduc iyi di rebban.
I Naduc, i Blak, i medden merra s yennayer ameggaz.
Black. Naduc tessawal as Blaki.
2008-01-11
Blaki
Subscribe to:
Post Comments (Atom)
3 comments:
aḍris-ik iggerez mačči d kra !
t-snneḍ amek tettak-eḍ udem aseklan i iḍrisen-ik, "bravo" !
teqqimed deg tin n tira (gre-γ tamawt), yettban-iyi-d uεṛen (uâeṛen) nezzeh yeḍrisen-ik i tγuri, acku ur teṭṭafaṛe-ḍ ara ilugan s ittarun tugett n imyura. akken cebḥen u lqayi-t deg wenamek yeḍrisen-ik i yuεṛen i tγuri !
awah a ṛebbi aγ d-tefkke-ḍ rray-ik γef aya.
ar tufat a gma, bravo i tikkelt nniḍen !
ssuref-iyi ttuγ ur k-nniγ ara aseggas ameggaz i keč d imaziγen anda ma llan.
nessaram d aseggas deg ad t-fukti tira s tmaziγt,
ar zdat ay atmaten !
Ur lliγ mgal ilugan n tira neγ abeddel ma yella win ad iyi mlen. Tedduγ almend ilugan isers Lmulud n At Maamar (Tajarrumt n Tmaziγt (Tantala taqbaylit). Ula d widak tikwal aarqent iyi. Nek tagi llqawaεid cituḥ kan.
Anida yewqem tabaγ La notation usuelle du berbère Lamana kra n ilugan dinna mi kreγ ad γreγ kran n wawal xenqeγ. Amedya iregg°el. Nek stenyafeγ ireggwel. Mi walaγ 'iregg°el' xenqeγ. Izmer ad yili uγaγ tent deg wabbaγ iw :)
Tenniḍ yettban-iyi-d uεṛen Di temnat ansi d kkiγ atah aken qqaren yettban-iyi-d waṛen. Almeγ s 'uεṛen' af anecta it γriγ s shala.
Aka twalaḍ ttaruγ akken nettmeslay ansi d kkiγ. Win as iγṛen i yemma ayen uriγ atefhem sans problem. Keč attaruḍ 'uεṛen' ahat akka itettmeslayem di temnat nwen. Attaruḍ 'uεṛen' axaṭer ur ẓẓay ara fell-ak.
Lemmer d gi tella ittif anaru vava deg wmakan n baba. Icawiyen ad arun baba axaṭer akken ittmeslayen. Nekwni s leqbayel neqqar vava. Malic ciṭ lxilaf d tira garaγ d imaziγen nniḍen. Ula garaγ d leqbayel malic ciṭ lxilaf. An qqen allen nneγ af ciṭ lxilaf di tira, di lqern neγ sin attefru weḥdes, akwerfa ad iḍher.
Enfin toute correction est bien-venue. :)
Post a Comment