Sawleγ ar tmurt. Nnan temmut Faḍma n Salem.
-Anta Faḍma n Salem?
-Weltma-s n Blayd u Salem.
-Blayd u Salem? Anwa Blayd u Salem?
-Aah ula d keččini tettuḍ Blayd u Salem? Gma-s n Amar, Amar u Salem, atan yezdeγ Tiγilt uzaylal anda ken tlabeḍ ddibul. Mmi-s ttizya-k, Salem. Tecfiḍ fell-as? Salem. Tettuḍ ula d Salem? Ziγ tuγeḍ tent deg wqarru. Salem, akken iteγṛam di llakul. Netta yunag ar kanada, keč a lafrik n wadda...
Igzem tilifu.
-Allo? allu?
Iḍelli lliγ sendeγ af ciṭ n ṭebḍant. Senqadeγ tilibizyu. Nnan-d Nelson Mandella Iĝĝa leḥkwem. Meḥsub iĝĝat i win meẓẓiyen. D nnuba nsen. Dγa mmektaγ-d Faḍma n Salem. Twehha-d akka ger wallen iw, amzun d iḍelli. D nettat iyi cerḍen. En 71. Ttafremlit n taddart. Tura mmektaγ-d Blayd d Amar u Salem. Mmektaγ-d Salem. Azekka ad sawleγ ar taddart ad steqsiγ fell-as.
Temmut Faḍma n Salem attiṛḥem Rebbi.
---------------
71 meḥsub 1971
2008-01-18
Temmut Faḍma n Salem
Subscribe to:
Post Comments (Atom)
6 comments:
Azul fell-ak, bγiγ a k-steqsiγ ma seg wat yiraten kečč?
Sγur ayirat.
S lferḥ d ameqqran i qqareγ iḍrisen-a-innek, zuzunen, ttawin γer lxelwa. !
Kemmel, awwi-yaγ-d wiyiḍ, tanmirt !
Mḥand-Akli
Azul a Mḥand-Akli, azul ay Ayirat.
Nek d ayirat? ahat d ayirat, ahat mačči d ayirat. Nekwni akw s leqbayel
d iyiraten. Win tniḥemlen nḥemlit, win tnisuman isumayaγ...
Tella Faḍma n Salem deg at yiraten?
Atmaten is d Blayd akw d Amar?
Yak nniγ ak nekwni akw s lebayel d iyiraten!
Ansi id tekkiḍ a yacliiiim?, a yaclim d ibbwi waḍu.
steqsaγ-k-id ma d ayirat i telliḍ axater ur teseqdaceḍ ara imesli-agi ε d imi k-d nniγ akka.
Sγur ayirat.
Ansi d kkiγ neqqar 'ssa' pour la montre (tamrayt) mačči 'ssaεa'. 'ε' ẓẓay af yiles nneγ, simi ur at nessexdam ara. Af anecta i ttaruγ akken ttmeslayeγ. Bγiγ win as d iγṛen i yemma ayen uriγ atefhem, attini wagi d mmi :)
Naturellement, wid isseqdacen 'ε' ilaq adarun 'ε'.
Aru akken tettmeslayeḍ, Γer ayen turiḍ.
Di lqern neγ sin tiregwa n tira s teqbaylit ad mlilent di lebḥer, deg gwelmim.
Mazal lxir ar zdat.
Tanmmirt ay ayirat.
Ula d nekk ε yagi ẓẓay fell-i.
sγur ayirat
Post a Comment